Сăкăтри культура çуртĕнче Украинăри ятарлă çар операцине хутшăнакан Андрей Каруковпа тата Сергей Бакашинпа черетлĕ тĕл пулу иртнĕ. Вĕсем иккĕшĕ те паттăрсем, çар службинче нумайранпа тăраççĕ. Украинăри çар операцийĕ пуçлансан вара хăйсен ирĕкĕпе алла хĕç-пăшал тытнă.

 Тĕл пулура Сăкăт территори пайĕн начальникĕ Вероника Кузнецова ентешсене тивĕçлĕ службăшăн тав тунă, çирĕп сывлăх тата ăнăçусем суннă.

 "Красное Знамя" ял хуçалăх кооперативĕн ертỹçи Петр Никифоров яланхи пекех пушă алăпа килмен: салтаксене кучченеçпе сăйланă, тăван киле çĕнтерỹпе таврăнма пил панă.

Альбина ИВАНОВА