"Паттăр" спорт шкулта арçын ачасем хушшинче волейбол лигин чемпионачĕ иртнĕ. Вăл шкул спартакиади шучĕпе те пынă.

Унăн тĕллевĕ регион тапхăрне кайма вăйлисене палăртасси пулнă.

Чемпионата вăтам шкулсенче вĕренекенсен 7 команди хутшăннă. Пьедестал çине Патăрьелĕнчи пĕрремĕш, Митта Ваçлей ячĕллĕ Первомайскинчи, Турханти вăтам шкулсен командисем тăнă. Çапла вара пĕрремĕш вырăна тухнă команда Юхмапа Пăла тăрăхĕн чысне хỹтĕлĕ.

Аса илтеретпĕр:

çĕнтерỹçĕ команда - Патăрьелĕнчи пĕрремĕш вăтам шкул волейболисчĕсем - Чăваш Республикинчи ялти шкулсенчи волейбол лигин чемпионатĕнче 4 çул умлă-хыçлă мала тухнă.

 Альбина ИВАНОВА