Грекла-римла кĕрешес енĕпе тĕнче класлă СССР спорт мастерĕ Минсеит Тимергалиевич Тазетдинов (18.02.1960-15.11.2024) 65 çул каялла Шăнкăртамра çуралнă пулнă.

 Минсеит Тазетдинов - Патăрьел районĕнчи ачасемпе çамрăксен спорт шкулĕн воспитанникĕ. Вăл Ульяновскинчи патшалăх педагогика институчĕн физкультура факультетне вĕренсе пĕтернĕ. Унта вĕреннĕ чухне грекла-римла кĕрешекенсен секцине çỹренĕ. Пирĕн ентешĕмĕр çамрăксем хушшинче Чăваш Енре çĕнтерỹçĕ, Ульяновск облаçĕн чемпионĕ, СССР тата Европа чемпионĕ, тĕнче чемпионачĕн Кубокĕн çĕнтерỹçи тата кĕмĕл призерĕ пулнă. Спорт карьерине вĕçленĕ хыççăн 30 çула яхăн Ульяновск облаçĕнче хăйĕн парнисемшĕн грекла-римла кĕрешес енĕпе тата Шăнкăртамра ирĕклĕ майпа тата корэш енĕпе ăмăртусем йĕркеленĕ.

("Çулталăк кĕнекинчен")