ПРАВОСЛАВИ тĕн йăли-йĕркине тытса пыракансемшĕн яваплă тапхăр - Мăнкун умĕнхи Аслă типĕ - пуçланиччен шутлă кунсем çеç юлчĕç. Вырсарникун - Тăван çĕршыв хỹтĕлевçисен кунĕнче Аслă Çăварни уявĕ. Ĕлĕк çак кунтан пуçласа пĕр эрне тăршшĕпех капăрлатнă утсемпе катаччи чупнă, юрăсем юрласа ял йĕри-тавра çаврăннă, пĕрле икерчĕ çинĕ... Шел пулин те, çак йăла-йĕрке ялсенче манăçа тухса пырать темелле. Урхамахĕсем те сахаллансах юлчĕç.

Çăварни эрни (февралĕн 24-мĕшĕ - мартăн 2-мĕшĕ) вĕçленсен мартăн 3-мĕшĕнчен вара çичĕ эрнене тăсăлакан Аслă типĕ пуçланать.