НУМАЙ пулмасть çеç хаçат вулаканĕсене округ тулашĕнче пурăнакан Тикеш чăвашĕ Владимир Селиванов хăй вăйĕпе УАЗ-Патриот автомашинăна Украинăри салтаксем патне çитернине пĕлтернĕччĕ. Халĕ тепĕр савăнăçлă хыпар çитрĕ. Тăван çĕршыв хỹтĕлевçисен кунĕнче "Красное знамя" ЯХПК та çар операцине хутшăнакан салтаксене уяв парни тунă, çакăн пек автомашинăнах фронта ăсатнă. Çĕнтерĕве çывхартма май пур тăрăшнăшăн, çар çыннисене пулăшнăшăн ял хуçалăх кооперативне (ертỹçи Петр Никифоров) ашшĕ- амăшĕ те, çар операцийĕнчи салтаксем те чун-чĕререн тав тăваççĕ. Пĕрлехи вăй Çĕнтерỹ тума пулăшатех!