Шупашкарти Трактор тăвакансен керменĕнче "Пĕрлĕхлĕ Раççей" партин Чăваш Енри уйрăмĕн муниципалитетсенчи депутачĕсен I форумĕ иртнĕ. Пуçтарăннисене республика Пуçлăхĕ Олег Николаев парти депутачĕсен форумĕ иртнĕ ятпа саламланă май муниципалитет депутачĕсем халăх шухăш-кăмăлне власть органĕсем патне çитерекенсем - вырăнсенче çынсемшĕн тĕрев пулнине палăртнă. Форумра "Пурăнма кирлĕ инфратытăмсем", "Пĕрлĕхлĕ Раççей" проекчĕсем - кашнишĕнех ĕç", "Раççей ялĕ" тата Тăван çĕршывăн Аслă вăрçинче çĕнтернĕренпе 80 çул çитнине халалланă лапамсем ĕçленĕ.