Хусан хулинче Пĕтĕм Раççейри "Тутар чĕлхипе литературин чи лайăх вĕрентекенĕ" конкурсăн пĕтĕмлетĕвĕ пулнă. Пирĕн республика чысне унта Ыхра Çырминчи вăтам шкулти Гульнара Тазетдинова хỹтĕленĕ. Гульнара Шейдулловна лауреат ятне тивĕçнĕ.

Конкурс 4 тапхăртан тăнă. Тупăшăва çĕршывăн 11 регионĕнчен хутшăннă.

 Малтанах конкурсантсем уçă уроксен саманчĕсене тăратнă. Унтан мастер-класс ирттернĕ. Класс сехечĕ те йĕркеленĕ. Методика мастерскойĕнче педагогсем хăйсен ĕçĕ-хĕлне çутатнă. Уçă урок вара пĕтĕм пултарулăха кăтартнă. Гульнара Тазетдинова ачасене пуçламăшĕнчех темăпа интереслентерме пултарнă.

Альбина ИВАНОВА