Апрелĕн 17-мĕшĕнче Чăваш Ен Пуçлăхĕ Олег Николаев журналистсем валли пресс-конференци йĕркелесе иртнĕ çула пĕтĕмлетрĕ, обществăпа политика пулăмĕсене хак пачĕ, регионăн социаллă пурнăçпа экономика аталанăвĕн комплекслă программинче палăртнă ĕçсене пурнăçламалли çулсемпе паллаштарчĕ. Виçĕ сехете яхăн тăсăлнă калаçура Олег Алексеевич тĕрлĕ-тĕрлĕ темăпа çыхăннă вăтăр ытла ыйтăва хуравлама ĕлкĕрчĕ.

Пресс-конференцин трансляцине Нац ТВ, радио эфирĕсенче, социаллă сетьсенчи каналсенче пăхма-итлеме май пулчĕ. Вырăсла тата чăвашла текст трансляцине "Чăвашинформ" тата "Хыпар" ресурсĕсем хатĕрлесе пычĕç.

(Хамăр корр)