Чăваш Республикин Пуçлăхĕ Олег Николаев хăйĕн телеграм-каналĕнче пĕлтернĕ тăрăх, федераци шайĕнче ашшĕ-амăш пĕрлĕхĕн пуçарăвĕн конкурсĕн иккĕмĕш тапхăрĕнче Чăваш Енри 26 проекта ырласа йышăннă. Вĕсене пурнăçлама 22 миллион тенкĕне яхăн укçа уйăраççĕ.

Çĕнтерỹçĕсене хавхалантарасси тĕрлĕрен: 2 миллион тенкĕ таран, 500 пин тенкĕрен пуçласа 1 миллион тенкĕ таран, 200 пин тенкĕрен пуçласа 500 пин тенкĕ таран. Палăртма кăмăллă: Патăрьелĕнчи иккĕмĕш вăтам шкул "Агроçемье: вылятпăр, вĕренетпĕр, малашлăха суйлатпăр" проектпа иккĕмĕш категоринчи, Патăрьелĕнчи пĕрремĕш вăтам шкул "Çĕнтерỹ çулĕ: паттăр хуласем" проектпа виççĕмĕш категоринчи çĕнтерỹçĕсен йышне лекнĕ.

Александр ИВАНОВ