ПАТĂРЬЕЛĔНЧЕ пурăнакан хисеплĕ ĕç ветеранĕн, хастар краеведăн, Чăваш Республикин тава тивĕçлĕ экономисчĕн Тальгат Шакуровăн çемье архивĕнче унăн ят-сумĕпе çыхăннă тĕрлĕ шайри Хисеп грамотипе Тав хучĕ сахал мар упранаççĕ. Çак кунсенче çеç пирĕн ентешĕмĕре тепĕр сумлă награда илнĕ ятпа чысланă. Чăваш наци академийĕн наукăпа искусство президиумĕн постановленийĕпе килĕшỹллĕн йышăннă "Халăх академикĕ" хисеплĕ ята тивĕçнĕ ветерана унăн Президенчĕ Евгений Ерагин саламланă, Тальгат Шайхулловича çулсем иртсе пынине пăхмасăр общество пурнăçне хастар хутшăннăшăн тав тунă.