НУМАЙ пулмасть çеç, тĕрĕсрех каласан майăн 15-18-мĕшĕсенче карп тытас тĕлĕшпе Чăваш Республикин Кубокне çĕнсе илессишĕн Пенза облаçĕнче пулă тытакансен турнирĕнче пирĕн округри Петрпа Геннадий Ялуковсем çĕнĕ рекорд турĕç, 387 килограмм ытла пулă тытса мала тухрĕç. Чи пысăк пулла çаклатассипе те ăмăртура вĕсемех палăрнăччĕ.

Акă, каллех пулăçсем пирки ырă хыпар. Июнĕн 26-29-мĕшĕсенче çак облаçрах иртнĕ "Кубок лета - 2025" чемпионатра карп тытассипе пирĕн ентешсем каллех хăйсен ăсталăхĕпе палăрнă, кĕмĕл медель илме тивĕçнĕ. Пулăçсене çĕнтерỹпе саламлатпăр, малашне те ăнăçу сунатпăр.