ЮЛАШКИ çулсенче курăка алла çава тытса çулакан та сахал. Чылайăшĕ ăна триммерпа, бензинпа усă куракан мототехникăпа усă курса çулать. Çак ĕçе ансатлатни, çăмăллатни, паллах, начар мар. Çапах кирек мĕнле техника та тирпейлĕхе, ăсталăха, асăрханулăха юратать. Çак кунсенче, акă, Патăрьелĕнче çул çитмен арçын ачана курăк çулакан техникăпа усă курнă чухне вут хыпса илсе ỹтне, пит-куçне пĕçертнĕ. Халĕ больницăра выртать. Юрать-ха пăтăрмах инкекпе вĕçленмен.
Май 2026 |
