ÇАКĂН пек ыйтупа çыру килчĕ "Авангард" хаçат редакцине Упамса, Шăхач, Кĕçĕн Чемен, Тури Чакă ялĕнче пурăнакансенчен. "Эпир автобуспа Турхана хамăрăн ыйтупа час-часах тухатпăр: аптекăна, больницăна, перекет банкĕн филиалне, магазинсене тата ытти те. Çапах каялла килме кĕрлĕ-çурлă е тăманлă çанталăкра автобуса е ытти транспорта нумай вăхăт кĕтсе тăнă чухне остановкăра хỹтлĕх çукки çынсене тарăхтарать. Çула тухакансем ваттисем те, ача амăшĕсем те пулаççĕ. Пирĕн ыйтăва илтессе шанатпăр", - тесе пăшăрханса çыраççĕ ватăсем.