ĂШĂ та шăрăх çу кунĕ ачасене те, аслисене те шыв хĕррине туртать. Анчах та кирек мĕнле пулсан та пурин те хăрушсăрлăх йĕркисене çирĕп пăхăнни çеç инкек-синкекрен сирнине манмалла мар. Иртнĕ вырсарникун, акă, Треньелĕнчи кỹлĕре вăй питти арçын шыва шалалла ишсе кĕрсе кайнă та тухайман. Унăн ỹтне тепĕр кун ирхине çеç тупнă. Пăтăрмах пирки йĕрке хуралĕн ĕçченĕсем, следстви комитечĕн сотрудникĕсем тĕпчеççĕ.

Шăрăх хуйхă-суйхă, инкек илсе ан килтĕр тесен хальхи вăхăтра вут-кăвартан та асăрхануллă пулмалла. Уйрăмах вăрманта е кил-çурт çывăхĕнчех кăвайт чĕртмелле мар!