Çĕнĕ Ахпӳртри Александр Григорьевичпа Юлия Николаевна Казаковсене ентешсем ырă енчен çеç пĕлеççĕ. Тивĕçлĕ канăва тухнă хисеплĕ мăшăр ятарлă çар операцийĕнчи салтаксем патне нумай хутчен гуманитари пулăшăвне ярса пулăшнă. Хальхи вăхăтра та ку тĕлĕшпе вĕсем лăпкăн çеç пурăнаймаççĕ. Çак кунсенче Казаковсем каллех хăйсем туса илнĕ 18 килограмм çĕнĕ пыла тата пĕр михĕ песука çар çыннисем патне ăсатма округри халăха социаллă пулăшу паракан центра илсе çитернĕ. «Пирĕн пĕчĕк пулăшу салтаксене вăй-хăват та кӳтĕр, çĕнтерĕве çывхартма та пулăштăр», — теççĕ вĕсем кăмăлтан.