ÇУЛ çитмен ачасене вейп, пирус, никотин тытăмлă ытти тавар сутакансене февральтенпе çирĕпрех явап тыттараççĕ: ахаль сутуçăсенчен куншăн 300 пин тенкĕ таран шыраса илеççĕ, фирма директорĕсенчен вара 2 миллион тенкĕ таранах!

Сентябрĕн 1-мĕшĕнчен пуçласа çул çитмен çамрăксене зажигалка, газ тултарнă пĕчĕк баллон сутакансене те штрафлаççĕ. Ахаль сутуçăсен куншăн 40-60 пин тенкĕ, должноçрисен 150-200 пин тенкĕ, юридици сăпачĕсен 400-600 пин тенкĕ кăларса хума тивĕ. Малашне сутуçăсен эрех-сăра, пирус, вейп туянакансенчен çеç мар, зажигалка туянас текенсенчен те паспорт ыйтмалла.