Кăçал яла хăтлăх кÿрес тĕллевпе Ыхра Çырминче курăмлă ĕçсем сахал мар пурнăçларĕç. Нумай пулмасть çеç кунта пурне те пăшăрхантаракан аслă урама тирпейлесе 1509 метр çула асфальт сарчĕç. Хальхи вăхăтра тротуарсемпе çул айккисене хăтлăлатаççĕ.
Ял варринче илемлĕн курăнса ларакан çĕнĕ врач амбулаторийĕ те кĕçех пациентсене хăтлă пÿлĕмсенче йышăнĕ. Амбулатори 2000 ытла çыннăн сывлăхне тĕрĕслесе тăрĕ.
Çывăх вăхăтрах халăх хастарлăхĕпех çĕнетсе капăрлатнă мечĕт те ял инфратытăмне тата ытларах пуянлатĕ.
Ноябрь 2025 |
