Ваттисен кунне халалласа Хĕç пăшаллă вăйсен ветеранĕсен спартакиади иртнĕ. Ăмăртăва хутшăнакансем 5 дисциплинăпа тупăшнă: боулинг, дартс, пневматика винтовкинчен пересси, гири йăтасси, баскетбол туппине ывăтасси.
— Паянхи мероприяти сывлăхпа спорт уявĕ пулса тăчĕ. Эпир округри ветерансемпе мăнаçланатпăр, вĕсем хăйсен тĕслĕхĕпе миçе çулта пулсан та хастар пурнăçпа пурăнма май пуррине кăтартса параççĕ, — тенĕ Патăрьел муниципалитет пуçлăхĕ Рудольф Селиванов спартакиадăна хутшăнакансене саламланă май.
Октябрь 2026 |
