Шупашкарти «Атăл» ФСКара анлă спорт уявĕ иртнĕ — фитнес-аэробикăпа мала тухассишĕн ăмăрту пулнă.

Пăлаçипе Юхма Ен спортсменĕсем каллех унтан çитĕнÿпе таврăннă. 14-16 çулсенчи ачасен «Батыр ачисем» команди пĕрремĕш, 11-13 çулсенчи çитĕнекен ăрăвăн «Грация» ушкăнĕ иккĕмĕш, 11-13 çулсенчи хĕр ачасен «Огонек» команди виççĕмĕш вырăнсене çĕнсе илнĕ.

Фитнес-аэробика вăл пĕр енлĕ спорт çеç мар, хăвăрт хусканусемпе, илемлĕ ташăпа тата кăмăл-туйăм çирĕплĕхĕпе палăрса тăрать. Татьяна Торговцева ертсе пынипе муниципалитет хĕрĕсем çакна кашни хутĕнчех çирĕплетеççĕ.