Первомайски ялĕнче Геннадий Бойкова асра тытса шахмат турнирĕ иртнĕ. Вăййа хутшăнакансене муниципалитет округĕн пуçлăхĕ Рудольф Селиванов, Чăваш Патшалăх Канашĕн депутачĕ Валерий Антоновпа Патăрьел ентешлĕхĕн ертÿçи Александр Миронов тата ыттисем саламланă.

Юбилейлă ХV-мĕш турнир Хусан, Пăва, Çĕпрел районĕнчи тата çавăн пекех муниципалитет округĕнчи 42 фаната пуçтарнă. Авалхи интеллектуаллă вăйă интереслĕ иртнĕ.

Геннадий Александрович нумай çул физика учителĕнче ĕçленĕ. Ачасенче шахматла выляма шăпах вăл вĕрентнĕ. Унăн ĕçĕ малалла тăсăлни савăнтарать.

Альбина ИВАНОВА