Çак кунсенче Патăрьел муниципалитет округĕн пуçлăхне Рудольф Селиванова РФ Хĕç-пăшаллă вăйсен пĕр çар чаçĕнчи юсав батальонĕн боецĕсем командовани ячĕпе çар операцийĕнчи пысăк пулăшушăн чун-чĕререн тав туса «За содействие СВО» медаль парса чыс тунă.

— Тавах сире тата Патăрьел муниципалитет округĕнчи волонтерсене, ытти хастарсене пысăк пĕрлĕхшĕн, фронта кирлĕ пулăшу парса тăнăшăн. Пирĕн пĕрлехи вăй çĕнтерÿ тума пулăшĕ, — çапла çирĕппĕн каланă СВО паттăрĕсем округ пуçлăхне пысăк хисепе тивĕçнĕ ятпа саламласа.