Патăрьел муниципалитет округĕн администрацийĕ СВО участникĕсен çемйисемпе час-часах тĕл пулу йĕркелет, вĕсен ыйтăвĕсене шута илсе татса парать, кирлĕ пулăшу кÿрет. Çак кунсенче çеç муниципалитет округĕн пуçлăхĕ Рудольф Селиванов ятарлă çар операцийĕн участникĕпе Константин Илюткинпа  тĕл пулнă, салтаксемпе вĕсен çемйине мĕнле пулăшу кирлипе кăсăкланнă.

Отпуска килнĕ СВО участникĕ салтаксем патне хăшпĕр строительство материалĕсемпе пулăшу кирлĕ пирки калаçу пуçарнă. Рудольф Васильевич çак ыйтăва хăй тимлĕхне илнĕ, муниципалитет округĕн администрацийĕ ăна татса пама пулăшассине пĕлтернĕ.