ПУРНĂÇРА ырă пулăмсем ытларах пулин те, усал таврашĕ те юнашарах çỹрет. Унтан асăрханмасан е сыхă тăмасан нимĕн те мар серепене çакланма пулать. Хальхи вăхăтра уйрăмах наркотикпа наркотик тытăмлă япаласем çыншăн (ытларах çамрăксемшĕн) пысăк хăрушлăх кăларса тăратаççĕ. Çавăнпа та ХХI ĕмĕрĕн амакĕнчен пурин те сыхă тăмалла.

Унпа явăçнисене е çын сывлăхне хавшатакан çак наркăмăша сутнине пĕлсен çийĕнчех районти йĕрке хуралне 61-4-92 телефонпа (вĕсем талăкĕпех ĕçлеççĕ), район администрацийĕ çумĕнчи наркотике хирĕç кĕрешекен комиссин секретарьне 62-6-66 (тунтикун - эрнекун - 8 _17 сехетсенче) шăнкăравлама пултаратăр. Ку тĕлĕшпе ĕç кунĕсенче Патăрьел ял тăрăхĕнче те шанăç телефонĕ (62-0-29) сирĕн ыйтăва йышăнма хатĕр. Кунта администраци çуртне кĕнĕ çĕре наркомансем е наркотик сутакансем пирки пĕлекен информацие çитерме ятарлă ещĕк те вырнаçтарнă.