ПАТĂРЬЕЛĔНЧЕ çулсеренех нумай хутлă кивелнĕ çурт тăррисене республикăри капиталлă юсав программипе улăштарса çĕнетеççĕ. Округ центрĕнчи патшалăх çурчĕсемпе вĕсен картиш таврашĕсем те тирпейленсе пыраççĕ.

Анчах та хăш-пĕр хваттер хуçисем хăйсен çурт тăррине çĕнетнĕ хыççăн "капремонтшăн" кашни уйăхра тỹлемелли укçине ятарлă счет çине куçармаççĕ те иккен. Юсав ыйтăвĕпе черетре тăракан çуртсен шăпи пирки шутламаççĕ те. Ку тĕлĕшпе "хура списокрисен" йышĕ пĕчĕк мар. Паянхи кун вĕсем çинче капиталлă юсавшăн 11 миллион тенкĕне яхăн парăм çакăнса тăрать.