Умра -экзаменсем

Майăн 31-мĕшĕнче ППЭ-2021 старт илет. Пĕрремĕш экзамен — географипе, литературăпа тата химипе. ЧР вĕрентӳ тата çамрăксен политикин министерствинче ППЭ тата ПТЭ тытас ыйтусемпе массăллă информаци хатĕрĕсенче ĕçлекенсем валли пресс-конференци иртнĕ. ЧР вĕрентӳ тата çамрăксен политикин министрĕн пĕрремĕш çумĕ Алексей Лукшин пĕлтернĕ тăрăх, кăçал вузсене вĕренме кĕме палăртман, 11-мĕш класран вĕренсе тухакансем ППЭ тытмасан та пултараççĕ. Аттестат илме вĕсен вĕренсе пĕтернине çирĕплетекен патшалăх экзаменĕсене /ГВЭ/ вырăс чĕлхипе тата математикăпа тытмалла. Вузсене вĕренме кĕрес текен выпускниксен аттестат илме 2021 çулта пĕр обязательнăй экзамен — вырăс чĕлхипе ППЭ — тытмалла. Сывлăх хавшаккисене кăçал суйлама ирĕк панă. Вĕсем Патшалăх экзаменĕсене тытаççĕ, е ППЭ витĕр тухаççĕ. Сăмах май, кăçал 1200 çамрăк 9-мĕш класран вĕренсе тухать. Çавăн пекех паян 11-мĕш класс пĕтерекен 5000 çамрăкшăн юлашки шăнкăрав янăрать.

Фермерсен фестивалĕ

Республика кунне  уявланă тапхăрта Чăваш Енре фермерсен фестивальне йĕркелеме палăртаççĕ. Вăл Шупашкарта июнĕн  24-25-мĕшĕсенче иртĕ. Унта республикăри фермерсен хуçалăхĕсенче туса илекен продукци куравĕ ĕçлĕ, ăсталăх класĕсем те йĕркелĕç, ачасем валли конкурссем пулĕç, парнесем выляттарĕç. Çак фестивальте 100 ытла фермерăн продукцине хаклама май пулĕ, туянма та пулĕ.

Ял хуçалăх

производстви ӳснĕ

Республикăра ял хуçалăх производстви ӳснĕ. Кăçалхи тăватă уйăхра вăл 104 процентпа танлашнă. Хуçалăхсенче сĕт ытларах суса илме тытăннă. Пĕр ĕнерен суса илес кăтарту та ӳснĕ. Ҫавăн пекех ял хуçалăх производство предприятийĕсемпе фермер хуçалăхĕсенче мăйракаллă шултра выльăх йышĕ те ӳснĕ. Унпа пĕрлех теплицăсенче те пахча çимĕç ытларах туса илеççĕ. Агропромышленность комплексĕнче тăрăшакансен вăтам шалăвĕ те 9 процент ытла хăпарнă.

Лагерьсем ачасене йышăнма хатĕрленеççĕ

Ҫапла палӑртнă ачасен "Волна" сиплев лагерĕнче иртнĕ ведомствӑсен хушшинчи комиссин ларӑвĕнче. Унта ачасен ҫуллахи канӑвне тата сиплевне йĕркелесси ҫинчен калаҫнă. Лагерьсем июн.н 2-мĕшĕнче ĕҫлеме тытӑнĕҫ. Кӑҫал вӗсене алӑкĕсене яриех уҫма санитарипе эпидемиологи пĕтĕмлетĕвĕ кирлĕ пулать. Вӑл хула тулашĕнчи пур лагерĕн те пур. Кӑҫал лагерьсенче ĕҫлес текенсен вакцинаци тутармалла. Хальлĕхе 26 проценчĕ ҫеҫ ҫак утӑма тунӑ. Вожатӑйсем ҫителĕклĕ.

Тĕллевлĕ ĕçлеççĕ

Республикăри пур ялпа хулара та интернет тата кĕсъе телефонĕпе те çыхăну аван пултăр тесе  тĕллевлĕ ĕçлеççĕ. Кăçал 140 ял тăрăхне интернетпа çыхăнтармалла. Ăна валли 200 вырăнта интернет валеçекен станцисем йĕркелемелле. Сăмах май каласан, «Цифрăллă экономикăллă» федераци проекчĕпе килĕшӳллĕн вĕрентӳ заведенийĕсене, пушар хуралĕн посчĕсене, ФАПсене, ял тăрăхĕсен администрацийĕсене пысăк хăвăртлăхлă интернет илсе çитереççĕ, унтан ялсене тăсаççĕ.

Шыва кĕме тăхтамалла

Шăрăхра чылайăшĕ шыв хĕррине канма каять. Термометр юпи вăтăр градусран та иртет пулин те юхан шывсемпе кÿлĕсем шыва кĕмеллĕх ăшăнса çитмен-ха. Вăл çиелте кăна ăшă пек туйăнать. Шала кĕрсен вара шăнăр туртма та пултарать. Пляжсем республикăра июнĕн 1-мĕшĕнчен ĕçлеме пуçлĕç. Пурĕ республикăра 13 пляж пулĕ, унсăр пуçне ялсенче шыва кĕмелли 90 ятарлă  вырăн йĕркелĕç.