Хура хурлăхан çырлине чылай çын юратать. Унран варени те, компот та тутлă пулать. Паллах, тин татнă çырлана нимĕн те çитмест. Ара, унта витамин, усăллă микроэлемент нумай- çке-ха.

. Хура хурлăхан усал шыççа аталантарма памасть. Вăл чĕрепе юн тымарĕсемшĕн те усăллă.

 . Çак çырлана час-часах çисен ăс-тăн хавшамасть. Ăна уйрăмах ватă çынсене çиме сĕнеççĕ.

 . Тĕпчевсем кăтартнă тăрăх, хура хурлăханра сайра тĕл пулакан витаминсем, микроэлементсем пур. Ытти çырлапа танлаштарсан, ку енĕпе вăл пĕрремĕш вырăн йышăнать.

. Çак çырлана тăтăшах çиекенсем сахăр диабечĕпе чирлемеççĕ. Ăна иммунитета çирĕплетес тесен те ăша ямалла.

. Хура хурлăхан çырлипе çулçи пỹрери чулсене кăларма пулăшаççĕ. Çавăн пекех вăл сывлав тытăмне лайăх ĕçлеме, атеросклероза парăнтарма май парать.

 . Ангина аптăратать-и? Хура хурлăханăн сĕткенне ĕçмелле.

 . Хура хурлăхан пиçнĕ вăхăтра ăна ытларах çиме тăрăшмалла. Çапла майпа çулталăк тăршшĕпех инфекци чирĕсем аптратмĕç, иммунитет та çирĕпленĕ.

. Хура хурлăханран пĕр иккĕленмесĕрех варени пĕçерĕр, компот вĕретĕр е çырлине типĕтĕр. Тĕлĕнмелле те, капла майпа та çырла пахалăхне, витаминсене çухатмасть. Унран хатĕрленĕ отвара куллен ĕçсен гипертони, хырăм çĕрни, гастрит, анеми аптăратмĕç.

 . Кĕтмен çĕртен ỹт çине шатра тухсан, вăл кĕçетме тытăнсан мĕн тумаллине пĕлместĕр-и? Хура хурлăханăн çулçи пулăшать. Унран хатĕрленĕ отвара ваннăна ямалла та унта кĕрсе выртмалла.

. Шăмă сыпписенче тăвар пухăнсан каллех хура хурлăхан çулçинчен хатĕрленĕ отвар пулăшĕ. Ăна ĕçсен япаласен ылмашăнăвĕ те йĕркеленĕ.

 . Вар-хырăм хытсан çулçăран настой вĕретсе ĕçмелле. Чĕрне хуçăлни организма кальци çитменнине кăтартать. Вăл вара хура хурлăханра нумай. Çак çырла хĕрлĕ, сарă тĕсли те пулать. Тĕпрен илсен, вĕсен усăлăхĕ пĕр пекрех.